ايكوسودان نت التنمية مستقبلنا
مقالات مشابهة
بقلم: خالد ضياء الدين
مافيش اتنين بتغالطو حول فساد وسوء إدارة الكيزان وعلي فشلهم في إدارة الدولة.
▪️لجنة إزالة التمكين بالرغم من العراقيل قدرت تزيح كمية كبيرة منهم من المراكز الاحتلوها بالتمكين.
▪️بعد إنقلاب 25 اكتوبر برهان ومن معه شغالين الان تصفير للعداد من جديد عايزين يرجعونا لما قبل الثورة وكلها ايام وممكن نسمع خبر خروج المخلوع من مستشفى علياء لمكان آمن.
▪️في ناس زعلانين من عودة الكيزان واستفزتهم مظاهر الفرح والذبائح وحركات التهليل والتكبير وترديد مايسمونها بالاناشيد الجهادية.
▪️طبعا وقطع شك الكيزان إتحرقو تماما ومافي مواطن بحترمهم ولا بحترم تاريخهم الدموي منذ 1989 وحتي الان واذا في حاجة واحدة كويسة عملتها لجنة ازالة التمكين انها فضحتهم (وجرحت سمعتهم) بالحق.
▪️خلوهم يفرحو باعادتهم للوزارات وخليهم يرجعو ليهم الاموال المنهوبة هم نفسهم مامصدقين ترجع ليهم لانهم كان فاقدين الامل،باكر بنكشف المغطى وبنعرف القروش دي رجعت كيف ومشت وين وتااااني بتتقلع من السراق.
▪️طيرو من الفرح اصلا النملة يوم يقوم ليها ريش بتقوم تطير وتنطط وتقرص وياهو دا يوم موتها.
▪️الجماعة رجعوهم وطلعوهم من جحورهم وكوموهم(فرز تانى) و(تالت) طبعا الفرز الاول قاعد في تركيا لا برجع ولا عندو شغلة بالبلد دي.
◾خليكم من الشعب القال فيهم كلمته تفتكرو المحيط الاقليمي عايز الكيزان؟
طيب ليه سمح للبرهان بارجاعهم(عادات وتقاليد)؟
▪️الكيزان مسيوقين وبلمو فيهم وبطلعوهم من جحورهم لي يوم سوقهم فخلوهم يهيصو(انا عائد انا عائد اقسمت اني عائد…..) مالو عيدو الإعادة كويسة والمافهم السنة الفاتت يفهم لمن يعيد وكان مافهم تبقي مشكلتو.
▪️ بالنسبة لي مبسوط شديد من عودة الكيزان ومبسوط اكتر من البرهان (بعجبني في الزول لمن يبدأ حاجة يكملها) وبرهان بداها وماشي يكملها.احسن الزول يكون واضح(البرقص مابغطي دقنه)
▪️بالنسبه للكيزان ما بقول ليهم اسألوا نفسكم ليه بلمو فيكم وبكوموكم وبعيدو تدويركم من جديد وانتو #تفل عدمانين الفائدة؟ ▪️برهان مفترض يحاول يقرأ كتاب السادات المرق الإخوانجيه من المعتقلات شوف عملو فيه شنو وحميدتي انت مابعيد من اليمن برضو مفترض تقرأ كتاب علي عبدالله صالح لانه الكتابين مهمات وفيهن دروس وعبر في تعامل العسكر الحاكمين مع حركات الاسلام السياسي.ياخ ديل انقلبوا علي شيخهم الترابي وباعو البشير!!!
▪️اهو نحن ماواقفين ترانا شغالين
“إنَّ غـداً لنـاظِـرِِه لَقـريــبٌ”
